"Setmana lemosina" : chantar e dançar lemosin - debuta de genier
Los estagis de dança e chant de l’an passat se tornen far.
7-8 de genier a Mas Seren (19) : estagi de chant emb Jan dau Melhau.
En partir daus chants que viren autorn dau maridar : deser de maridatge, regrest de maridatge, maumaridadas que cornards, veirem çò que pòdem far a tant de monde sens los traír, dins un país que totjorn faguet son pro d’una votz sola, se que pasmens siguet daus prumiers, devers lo segle XI, d’ausar las boirar. Mas que chascun mene sa votz e l’enveja de la far valer, de la fretar a las autras, ne’n tirarem segur bon plaser. Pas esser tròp estranh a l’occitan es segur pas ’na entraupa, que major part d’aquilhs chants son, de rason, dins la lenga dau país lemosin e non dins ’quela dau reiaume d’en Francia.
Pretz : 40 € / 32 € (chaumaires, -15 ans, estudiants) Chant + dança : 60 € / 57 € (chaumaires, estudiants, -15 ans)
20 plaças : pensatz de nos sonar per saber si demòra de las plaças !!!
13 de genier, Limòtges (87), Auditorium dau CNR (centre-vila, rua Fitz James, a costat dau Grand Teatre), 20.30 : conferencia de Françoisa Etay « Las danças tradicionalas dau Lemosin » Gratis
14-15 de genier a Limòtges (87), Sala dau Vigenau (rua dau Doctor Jacquet, a costat dau cementèri de Loiac) : estagi de dança emb Françoisa Etay.
Emb l’ajuda de las collectas filmadas en Lemosin dempuei mai de vint ans, aprendram daus biais de dançar de basa e quauques elements de variacions. Trabalharam mai que mai borréias e sautieras.
(programa diferent d’antan)
Niveu : non debutant
Pretz : 35 € / 28 € (chaumaires, -15 ans, estudiants) Chant + dança : 60 € / 57 € (chaumaires, estudiants, -15 ans)